*) - NAARI SHAKTI
"maa!!inn sabhi aur aap ki ankhon me aansu??aisa kyun maa??" ek maasum ladki ke iss masoom se sawaal ne uski maa ka dhyan uski aor aakarshit kiya.
"ye aansu to hamari vijay ka pramaan hai meri bete?" .maa ne dobara apni nazare saamne ki aor karte huye uttar diya.
"uff maa!yaha to baarish bhi shuru ho rahi hai.bijli bhi chamakne lagi hai.hum sab bheeg jaenge."
bachchi ki iss baat ko sun maa muskayi aur boil-"aaj ye baarish bhi hamari jeet me hissa le rahi hai bete.ye bhi hamare iss jeet-utsav ki bhagidaar ban rahi hai.badal garaj kar aur bijli chamak kar hamare jeet ki shobha badha rahe hai."
"jeet?kaisi jeet maa?humne kya jeeta hai."
"humne apna samman jeeta hai bete.apni laaj jeeti hai hai,apna gaurav jeeta hai.?"
"kisse maa?"
"unn parusho se jo hamesha se hum aurato ko sirf manoranjan ki vastu samjhte hai.hume samman nahi dete ,sirf sambhog ki vastu samjhte hai.jinhe ye lagta hai ki naari kamzor hoti hai,keval ghar samhalne aur purush ke atyacharo ko sahne ke liye bani hain." maa apni beti ki aor jhuki aur uske gaalo par hath sehlaate huye kaha.
"vo kaun hai maa jo vaha beech me khadi hai?unke hath me talwaar hai aur sabhi unki jay-jaykar kar rahe hai?”
“vo iss veeranganao ki senapti hai beti.”
“kya inhone maara hai in sab ko.kisi ko marna to galat baat hai na?kya vo aur ye sabhi bure nahi hue?"
"bure to tab hoti ye yadi inke atyachaaro ko chupchaap seh liya hota.apne upar huye atyacharo k dand dena galat nahi hot bete isliye inme se koi bhi bura nahi hai.bure to ye the jinhone devi samaan pooje jane wali nariyo ko apni bhookh ka shikaar banana chaha.unka shoshan karna chaha."
“ye log kaun the maa?” uss masoom ne phir se poocha.
“ye hamare podosi rajya ki sena hai beti.jinhone hamare sainik patiyo ko maarkar humare raja ko haraya hai.ab humara rajya inke aadhin hai.is ghamand me choor inn sainiko ne hum par atyachar karna chaha…. ”
“kya humari sahayata kisi ne nahi ki maa?”
“jeevan me aisa samay aata hai beti,jab rakshak hi bhakshak an jaate hai.sahayata karne waale hi atyachaar par utar aate hai. Jaise ye purush..inka daayitva humari raksha karna tha lekin inhone kiya uske viprit . ye iss duniya ki vo kaali sachchai hai jise jitni jaldi samjh lo utna hi tumhara bhala hoga.aise me apni sahayata swaym karni padti hai .isliye inhe bhi shastra uthane pade.khud sainik banna pada.aur ye ladayi ladni padi”
“maa!.......agar hum haar jaate to??”
“kaise haarte beti.jab swayam bhagwaan humare sath hain.bhagwaan bhi unka sath dete hai jo khud ki sahayata karne ko tatpar hote hai.ye humari ikchha shakti aur saahas ka phal hai jisne hume vijay dilayi hai.”
“inhone aisa kyun kiya hoga maa?….humne inka kya bigada tha jo ye hum par atyachaar karne lage the??”
“purush jaati par kabhi kabhi ahankaar haavi ho jata hai beti.ye ahankaar jab bhi inke sar chhadhkar bolta hai ye bhul jaate hai ki naari hi hai jo inhe janm deti hai,inka jeevan sanwaarti hai,devi tulya pooji jaati hai,phir shuru hota hai inka atyachaar……..sath hi ye bhi bhul jaate hai ki jo naari jeevan dena janti hai vo nash karna bhi janti hai.aavashyakta padne par Sita se kaali bankar ahankariyo ka naash bhi kar sakti hai.”
“ab to hum surakshit hai na maa?”
“haaa bete!!…jis din naari swayam ki raksha ke liye dusro ki aor dekhne ke bajay aap hi tatpar ho jaati hai usi samay vah surakshit ho jaati hai.dhyan se dekho ye drishya…sambhav hai kal tumhe bhi isi tarah ki samasya se saamna karna pade.aaj se hi swayam ko taiyaar karna shuru kar do.” Maa apni beti ki har utsukta aur uski shankaye door karti jaa rahi thi.
“mujhe bhi……..kya ye sabhi kal ko samasya me humari sahayata karne nahi aayenge.?”
“avashya aaenge beti.lekin sabse pahle tumhe khud ko khud ki sahayata ke liye taiyyar karna hoga.”
“sahi kehti hai tumhari maa beti.smaran rahe…..hum naariya kisi bhi roop me inn puruso se kam nahi hai.atyachaar sahogi to inse bhi badi apradhi kehlaogi,inhe inke atyachaaro ka humesha muhtod uttar dena.” Senapati veerangana uss bachchi ke pass aakar boli.
“lekin kabhi hum kamzor pad gaye to yaa kahi inhone hume bhi isi tarah maarne ki koshish ki to?.” Uss bachichi ke chehre par ek darr sa chha gaya.
“to phir apni laaj ki raksha karte huye veergati ko prapt hona tumhare liye garv ki baat hogi.ek baat humesha smaran rakhna…..ek naari ke liye uske samman se mulyavaan kuchh bhi nahi hota.apne jeevan ka balidaan bhale hi de dena lekin kabhi apna samman naa jaane dena…..kisi bhi mulya par.agar aisa karogi tp jis prakaar aaj ye sabhi meri jay –jaykaar kar rahe hai kal tumhari karenge.”
Uss chhoti si bachchi ki aankon me ab chamak aagayi thi.uss veerangana ke kahe shabdo ne uske mann me utsaah,himmat aur josh ka sanchaar kar diya tha.usi samay senapati ne usko apni talwaar thamayi.bachchi ne usse utsaah se upar uthaya.
“mai bhi badi hokar aap jaisi hi banungi.kabhi koi atyachaar nahi sahungi .aur jo karega uska hasra bhi yahi karungi jo inka hua hai………NAARI SHAKTI AMAR RAHE!!.”
======================
Rating - 110/200 Points
Kahani mey sandesh aur saath mey ye art har daur k liye mahatvpoorn hai lekin kahani cliched, one dimensional chalti lagi.
Total Points after 2 Rounds - 213/400 Points
Judge - Mohit Trendster
No comments:
Post a Comment