Rahul Ranjan (Rank # 4) : Profile & Match Listing

Mr. Rahul Ranjan finished 4th (Semi Finalist) in the inaugural Freelance Talents Championship 2013 out of 311 Authors.

Match Listing 

Round 1:  Rahul Ranjan (Ek Kahani Ye Bhi - 71/100) defeated Neha Pandey (Andhvishvaas – 53/100)

Round 2:  Rahul Ranjan (Khoj - 57/100) defeated Sanjay Singh (Asamvedansheel - 55/100)

Parallel League – Unchallenged (Qualifies for Round 3)

Round 3:  Rahul Ranjan (Talaash - 73/100) defeated Mehfooz Ali (Chaal - 67/100)

Quarter Finals: Rahul Ranjan (Retaliation - 65/100) defeated Ranjana Sharma (A Mini Adventure - 49/100)

Semi Finals: Mohit Sharma (A Chudail’s Love Story - 72/100) defeated Rahul Ranjan (Beginning of an End - 58/100)

Bronze Medal Match:

Siddhant Shekhar (Hired - 75/100) defeated Rahul Ranjan (Random Chapters - 60/100)

Notes:

Average Score - 384/6 = 64 Points

Biggest Victory Margin – 18 Points

Highest Score – 73/100

Most number of words written by an Author in Freelance Talents Championship 2013.

FTC Experience 

Freelance Talent Championship, naam sunkar hi darr lag raha tha jab pehli baar babaji ne iski ghoshna ki thi group mein. Bahut saare sawal dimaag me paida hone lage the. Ek mahatvapoorn sawal jo mere man me tha ki kya main dusre maharathiyon se lekhan ke maamle me chunauti de sakta hoon? Isi sawal ka jawab paane ke liye main iss competition me kudd para. Aaj karib 5 mahino baad jab main apna performance dekhta hoon to thori santushti milti hai.

Iss competition me mere liye chunautiyan seedhe round-1 se shuru hogayi thi. Competition ke pehle tk jab bhi maine kuch likha hai, bhale hi vo class X ke board exam me article/letter hi kyun na ho, kabhi bhi word limit ko control nahi kar paya tha. Aur Round-1 mein 2500 words hi tha matra. Theme to general bharatiya samaj thi. Bheja fry hogaya ye sochte sochte ki kya likkhu. Iss baare me jab babaji se baat ki to unhone kaha ki indian history se bhi related ho sakti thi. Mera bas itna sunana tha ki jhatpat google chrome khola aur 3-4 indian conspiracies pe search maar daali. Inn sab mese mujhe Netaji SUbhash Chandra Bose ke gayab hone ka rahasya par jyada scope nazar aaya. Kahani iss tarah se likhni thi ki facts saare sahi ho but work mera complete original ho. To fir kai ghanto ki research k baad finally story complete hui aur turant maine submit kar di. Aur bhagwan ki kripa se ache margin se opponent Nehaji par vijay prapt ki.

Round-2 ka topic Love. What the f***! Aaj tk iss chiriya ke baare me kabhi jaana hi nahi to likhu kaise isspar. Bilkul bhi samajh mein nahi aa raha tha ki kya kare. Mere opponent the Sanjay singh ji jo alag hi maharathi hain. Mujhe laga ki mera patta ab to kata. Par fir bhi haar nahi maane. Chunki Love theme par kuch likh nhi sakta tha to 2-sub stories banayi ek hi story mein...Ek story arc purely love n frndship pe based thi to dusri mystery theme thi. Main to bas yahi minti kar raha tha ki kisi tarah ye round paar kar jau. Bhagwan ne meri vinti sunn li and voila! I m in round 3.

Pre Quarter Finals, mere liye sabse best round rahi kyunki theme aur word limit dono mere swadanusar thi. Iss round me maza bahut aaya. Confidence pichle do rounds se high tha. Kahani likh ke submit to kar di but opponent me tagre contender Mehfooz bhai the. Dil mein thora darr tha but finally round-3 bhi paar hogaya.

Quarter finals saamne tha aur tarah-tarah ke naye rules saamne aaye. Aur yahan se mere lekhan me decline aane laga. Colleges shuru hogye the to iss round se ache se stories nahi likh paya tha. Yes, its not an excuse and i feel i didn't give 100%. Main pura sure tha ki iss round me bahar ho jayunga. Mujhe khud apni story pasand nahi aa rahi thi iss round ki. But fir ek chamatkar hua aur opponent Ranjana Sharma ji jo ab title ki daavedaar maani jaa rahin thi aur lagatar achchha likh rahin thi par mujhe victory mil gayi.

Round-5 me meri takkar hui mahabali Mohit Sharma aka Trendster aka Babaji se. Aise hi story likhne ka time tha nahi upar se mile bhi to champion ke champion. Finally iss round mein luck ne saath chorr diya. Story nahi complete kar paane ki surat mein mujhe pichla work dena para jo parts mein tha. Ye story babaji ke work ko takkar nahi de paayi aur iss round mein bahar hogaya. Ab Bronze Medal jeetkar ye sukhad safar end karne ki ichchha hai koshish pooro rahegi meri taraf se.

Overall ye season-1 ka safar bahut hi romanchkari raha hai. Season-2 ke liye bhi tayaar hoon. Bring it on!