FT Writers Championship Rules-Guidelines

Rules :

1) - Is contest mey contestants ki sankhya k anusaar rounds honge. Jaise (64 >> 32 >> 16 >> 8 >> Semi Finals (4) >> Final). Halaki, first round mey eliminate hue writers ko ek mauka aur milega aur unhe League 2 mey dala jaayega, jiske final 4 writers ko phir se main league mey mauka milega. League 2 ki details pehle round k baad di jaayengi.

 
2) - Har round mey randomly 2 writers muqabla karenge aur jeetne wala aage badh jaayega. (Knockout)  Aap given theme par story, scene, poem ya article apni kshamta ko suit karti koi bhi cheez likh sakte hai jisme aap comfortable hon.

3) - Har round ki ek pre-decided theme hogi jispar ek deadline se pehle dono writers ko apni entries deni hongi.

4) - Plagiarism ya cheating allowed nahi hai. Abusing ya aur unfair means prove hone par member eliminate ho jayega without warning.

5) - Har 2 contesting writers ki entries ek blog post k roop mey is blog par lagayi jayegi. - http://freelance-talents-championship.blogspot.in/

6) - Sabhi participants ki har round ki entries ko compile karke 2 book anthologies nikali jaayengi. Yaani sabki stories ya scenes publish honge. SABHI WINNERS!!!!

7) - Stories/Scenes Hindi ya English mey hi manya honge.

8 ) - Tip : Yahan aapka writing style aur ideas par focus rahega na ki story ki length. Ho sakta hai ki koi 2 
chhote paragraph likhkar 3000 wrods ki story se jeet jaaye. To ideas aur style par zor dijiye. 

9) - Dono opponent writers ko time diya jaayega agar koi writer us time mey story nahi de paata to doosre writer ko walkover mil jaayega aur wo agle round mey chala jaayega. Agar dono writers nahi submit kar paate given time mey to ek reminder k baad dono eliminate ho jayenge.

10) - Word Limit : 2000 Words or Below.


11) - First round ke baad elimination nahi hai. 64 mey se jo 32 writers reh jaayenge unhe Parallel League mey ek aur mauka milega aur unme se Top 5 ko main league k bache 16 writers mey se kisi ko bhi challenge karke main league mey lautne ka mauka milega. Ye sthiti game progress hone k saath apne aap clear ho jayegi. Is parallel league mey Outside (Wild Card Entries) writers jine contest ka late pata chala wo bhi part le sakte hai. 

 *Point Penalty*

*) - Deadline k 24 ghante baad tak entry dene waalo k liye minus 5 aur 24 ghante baad bhi entry na aane par opponent ko walkover.

*) - Word limit paar karne par har 100 (ya uske andar) extra words par minus 5. To agar aap lambi story likhna chahte ho to is risk par likho ki even 2200 words hone par 10 points cut jaayenge.

 
Judging :

Showdown ko decide karne k 3 tareeke honge.

1) - Members voting Poll.

2) - Dono writers dwara khud hi decide karna ki kiski entry better hui. (Showing good sportsman spirit)

3) - Entry judged by renowned comic writers, artists. Initial rounds mey ye system apnaya jayega jaise jaise entries kum hongi tab voting polls aur self decision se nirnay honge.
 
Prizes :

*) - Aakhir mey itne rounds paar karke Top 4 writers ko ye compiled 2 books aur Paper Clip Books ki next Novel milegi. Saath hi meri next book mey unka guest appearance bhi hoga.

*) - Final 8 ko certificates aur anthologies mey special mention milega.

*) - Although, mai is contest ka host aur participant dono hun par agar mai final 4 ya winners mey hota hun to mera prize fifth place writer ko chala jaayega.

*) - Graphic Novel Kuhaas the Mist for Parallel League Winner and Final Championship Winner (with special picture post cards).

- Mohit Sharma